KICHANGA CHAFUFUKA DAKIKA 28 BAADA YA KUZALIWA MFU

                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                  Kuna msemo unasema, uchungu wa mwana aujuyae mzazi. Hapa pia niseme uchungu wa kujifungua, aujuaye ni mama. Na furaha ya ufufuo anaijua hasa aliyefiwa. Tukio mojawapo lililotokea nchini Canada, ambapo mama wa watoto watatu, alikuwa anatarajia kupata mtoto wake wa nne, binti - lakini hali ikawa tofauti siku hiyo.

Akiwa ameingizwa ndani kwa ajili ya kujifungua, alikuwa akiamini ya kwamba mambo yote yatakiwa sawa, hadi pale ambapo alijifungua mtoto, ambaye hakuwa na uwezo wa kupumua. Mtoto akatamkwa kwamba ni mfu, daktari akajiridhisha, na manesi wakaondoka nae.

Mama huyo, Robin Cyr mwenye umri wa miaka 34, alikuwa ameongozana na shangazi yake, ambaye alitambua hali hiyo na kumueleza - kisha akaanza kuomba.

Majonzi yakiwa yamemtawala Bi. Cyr kwa dakika 28, akiwa kwenye hali ya maombolezo, ghafla aliona nesi mmoja amerudi ndani huku akiwa kama amepigwa na bumbuwazi asiweze kuongea neno lolote, akifuatiwa na nesi mwingine dakika mbili baadae ambaye aliweza kusema kwa ufupi, "mtoto wako ameanza kupumua."

Daktari akaja kuthibitisha, kwa kutanguliza kuomba msamaha kwanza. "Samahani, nilikata tamaa juu ya mtoto wako, na nikampa mgongo kabisa, naye akaanza kupumua mwenyewe - ni muujiza."

Robin Cyr ameelezea kuwa shangazi yake ambaye ni muombaji sana, ndio amepelekea hali hiyo, na kwamba kwa sasa inabidi atumie muda mrefu kutafakari jina la kumpa binti yake huyo, kwani dakika 28 za kutokuwa hai baada ya miezi tisa si suala dogo, ni mkono wa Mungu pekee, na hata kila mtu anasema kuwa mtoto huyu amefufuka kwa kusudi maalum la Mungu.

Hivi sasa hospitali hiyo inafanya uchunguzi wa jambo hilo ambalo si la kawaida, kama wataweza kupata majibu ya kisayansi. Lakini Robin ni kama vile anaona wanahangaika, kwani anasema anajua chanzo cha kufufuka kwa binti yake - Mungu