LOUIS VAN GAAL ATEULIWA RASMI KUWA KOCHA MKUU MAN UNITED, RYAN GIGGS AWA KOCHA MSAIDIZI

HATIMAYE `deal done!`. Klabu ya Manchester United amemteua Louis van Gaal kuwa kocha mkuu mpya kwa mkataba wa miaka mitatu kufuatia kufukuzwa kazi kwa David Moyes mwezi uliopita.

Mholanzi huyo amechukua nafasi ya aliyekuwa kocha wa muda wa Man United,  Ryan Giggs aliyeteuliwa kuwa kocha msaidizi.

Frans Hoek na Marcel Bout wajajiunga na Van Gaal kama makocha wasaidizi na mholanzi huyo anakuwa kocha wa kwanza kutoka nje kuiongoza Man United.

Van Gaal ataanza kazi rasmi baada ya kumalizika kwa fainali za kombe la dunia mwaka huu nchini Brazil ambako anaiongoza Uholanzi akiwa kocha mkuu.

Kwanza Va Gaal anatarajiwa kuiongoza Uholanzi kombe la dunia kabla ya kujiunga na Man United

Van Gaal  ana rekodi za kuleta kuinua vijana katika klabu ya Ajax, Barcelona na Bayern Munich 

 

 

Van Gaal akiwa na furaha amesema: ‘Siku zote nilikuwa natamani kufanya kazi ligi kuu ya England. Kuwa kocha Manchester United, klabu kubwa duniani, inanifanya nijivune”.

“Niliwahi kucheza mechi Od Traffford kabla na najua namna uwanja huu ulivyo na hamasa. Mashabiki wanapenda mno mpira. Klabu ina maono ya mbali; nami pia nina maono makubwa. Kwa pamoja nadhani tutaweka historia.”.

Ryan Giggs alisema: “Nimefurahi kupata fursa ya kuwa kocha msaidizi. Van Gaal ni kocha bora duniani na najua nitajifunza vitu vingi kutoka kwake na kuchangia kadri niwezavyo”.

“Manchester United ni sehemu ya maisha yangu kwa muda mrefu na nimefurahi kuendelea kuwepo na kufanya kazi muhimu kama hii”.

Sehemu ya taarifa ya Manchester United inasomeka: “Louis van Gaal ataanza kazi ya ukocha mkuu wa Manchester United kuanzia msimu wa 2014/2015. Amesaini mkataba wa miaka mitatu”.